TFM - TRAITÉS FRANÇAIS SUR LA MUSIQUE
Data entry: Peter Slemon
Checked by: Rika Asai
Approved by: Peter Slemon
Fn and Ft: ANODES1 TEXT
Author: Anonymous
Title: Traitié de deschant
Source: Anonymus Traitié de Deschant (Ms. Paris, Bibl. Nat., lat. 15139), ed. Gilbert Reaney, Corpus scriptorum de musica, vol. 36 ([Rome]: American Institute of Musicology, 1996), 61-63. Used by permission.
Graphics: ANODES1 01GF
[-61-] ANONYME
TRAITIE DE DESCHANT
Li quins et li doubles
Chapitre 1
[P2 269]
Quiconques veut deschanter, il doit premiers savoir qu'est quins et doubles. Quins est la quinte note, et doubles est la witisme. Et doit resgarder se li chans monte ou avale. Se il monte, nous devons prendre le double note; se il avale, nous devons prendre le quinte note.
Se li chans monte
Chapitre 2
[P2 269]
Se li chans monte d'une note si comme ut ré, on doit prendre le deschant du double deseure et descendre deux notes, si comme il appert:
Exemple 1
[CSM36:61,1] [ANODES1 01GF]
Se li chans monte deux notes si comme ut mi, mi sol, nous devons prendre le descant en l'uitisme note et descendre une note; ... si demourra li deschans ou quint, si comme il appert:
Exemple 2
[CSM36:61,2] [ANODES1 01GF]
[-62-] Se li chans monte trois notes si comme ut fa, nous devons prendre le witisme note et nous tenir ou point; si demourra li descans ou quint, si comme il apert:
Exemple 3
[CSM36:62,1] [ANODES1 01GF]
Se li chans monte quatre notes si comme ut sol, nous devons prendre ou double et monter une note; si sera li descans ou quint:
Exemple 4
[CSM36:62,2] [ANODES1 01GF]
Et si devons savoir que de toutes les montées qui sont, nous devons mettre le premiere note ou double et toutes les autres ou quint, et monter ensi com li cans.
Se li chans descent
Chapitre 3
[P2 269v]
Se li chans descent une note si comme fa mi, ou en quele menniere que ce soit, nous devons prendre ou quint. Se li chans descent une note, nous devons monter deux notes; si sera li deschans ou double:
[-63-] Exemple 5
[CSM36:63,1] [ANODES1 01GF]
Se li chans descent deux notes si comme fa ré, nous devons prendre ou quint et monter une note; si sera li deschans ou double:
Exemple 6
[CSM36:63,2] [ANODES1 01GF]
Se li chans descent trois notes si comme fa ut, nous devons prendre ou quint et nous tenir au point; si demourra la premiere ou quint et l'autre ou double:
Exemple 7
[CSM36:63,3] [ANODES1 01GF]
Se li chans descent quatre notes si comme sol ut, nous devons prendre ou quint et descendre une note; si sera la premiere ou quint et l'autre ou double:
Exemple 8
[CSM36:63,4] [ANODES1 01GF]
Et si devons savoir que de toutes les avalées nous devons prendre le quint et chanter tout ensi come le plainchant, et mettre le daarrainne ou double.
Explicit
![[ANODES1 01GF]](ANODES1_01GF.gif){kind=link}